Itūgod Daugovpiļs teatra decembra svātkim veļteitūs pasuokumu kluostu papyldynuos ari izruode bārnim, kurū varēs pīredzēt 27., 28. i 29. decembrī Vīneibys noma koncertzālē.

Itys rūkeišu puosokys pīdzeivuojums veiduots kai staigojamuo izruode ar leidzdaleibys elementim, i bārni tiks aicynuoti na tik vērtīs, tok ari pīsadaleit jautruos aktivitatēs. Kūpā ar rūkeišu ekspresi jī apceļuos Vīneibys noma koncertzālis telpys i pagasteis pi Notenis i Suortāna, Ryuceitis i Centa, kai ari pi babeņu jautreišu i Zīmyssvātku veceiša. Kai jau kotrā puosokā, byus juopadora kaids lobais darbeņš, kab breinumi varātu suoktīs!

Izruodis sižeta i tekstu autore ir Kristīne Veinšteina. Lūmuos: Žanna Lubgāne, Irina Kešiševa, Inese Ivulāne-Mežale, Egils Viļumovs, Ritvars Gailums, Mihails Samodahovs, Viktors Jancevičs, Milena Savkina, Kristaps Saulītēns, Kaspars Krauklis, Kristīne Veinšteina, Alisa May.

Itei izruode tiks nūspālāta tik sešys reizis:

27. decembrī 10.00 i 12.00 stuņdēs,

28. decembrī 10.00 i 12.00 stuņdēs,

29. decembrī 12.00 i 14.00 stuņdēs.

Izruode paradzāta bārnim nu 3 da 8 godu vacuma. Tuos ilgums ir 1 stuņde. Pasuokums nūtiks latvīšu volūdā.

Bileta cena – 10 eiro. Bileti juopierk kotram skateituojam naatkareigi nu vacuma. Tūs var īsaguoduot Daugovpiļs teatra kasē (654 26520), „Biļešu paradīze” kasēs vysā Latvejā i škārsteiklā www.bilesuparadize.lv.

‍