Cylvākim rateņkrāslūs dateikamys izruodis, kuruos nūteik Lelajā zālē. Tuos ir vītys partera 11. i 12. ryndys lobajā i kairajā pusē (greidai ir nalels sleipums). Vīta sovlaiceigai juopīsoka, na vāluok kai nedeļu da pasuokuma nūtikšonys, t. 65426520 voi 654 26720.

Izruodis, kuruos nūteik spēlis laukumūs Leluos zālis skotive i Eksperimentaluo zāle, itūšaļt nav dateikamys. Teatra centraluo īīšona nav atbylstūša cylvākim ar kusteibu trauciejumim – vajag puorvarēt vairuokus pakuopīņus. Kab tyktu pasuokuma nūtikšonys vītā, juoizmontoj dīnasta īīšona, kura atsarūn īškpogolmā (īīšona nu Saulis īlys pusis). Datikšona ir apgryutynuota – šaurs koridors i diveji kūka slīkšni. Bez asistenta paleidzeibys tikšona vydā ir sarežgeita. Lyudzam informēt administraceju (65426520 voi 654 26720), kab tyktu nūdrūsynuots sagaideituojs pi dīnasta īīšonys.

Teatrī nav daīmamys atbylstūšys labīreiceibys cylvākim rateņkrāslā.

Leluos zālis i Leluos zālis skotivis izruodēs ir atļauti suni-pavadūni (īprīšk pīsokūt apmekliejumu pa telefonu 65426520 voi 654 26720).

Daīmamys vairuokys izruodis, kurom ir nūdrūsynuoti titri latvīšu volūdā:
‍
 — “14 dīnys da paradizis”
 — “Laime iz naža esmiņa”
 — “Makbets”
 — “Mali bez nūteikumim”
 — “Cytugod tymā pošā laikā”
 — “Nūdzeitus zyrgus nūsaun”
 — “Vīntuleigī rītumi”
 — “Pamīrs”
‍
Izruožu pīduovuojums ar titru nūdrūsynuojumu kotru sezonu teik papyldynuots. Nav pastateita indukcejis cylpa.

Cylvākam rateņkrāslā i juo pavadūņam daīmama 50% atlaide. Bilets bārnam
rateņkrāslā iz bārnu izruodem ir bez moksys, pavadūņam - 1€.
‍
Vīta sovlaiceigai juopīsoka, na vāluok kai nedeļu da pasuokuma nūtikšonys, t. 65426520 voi 654 26720. Biletus nūpierkt var tik teatra kasē.

Cylvākim ar invaliditati (apmeklejūt izruodi, kūpā ar biletu juoparuoda aplīcynojūšs dokuments) – 30% atlaide. Atlaide teik pīmāruota vīnam biletam. Atlaide daīmama ari škārsteiklā.