Pasasokūt skateituoju lelajai atsauceibai i interesei, papyldus jau izpuordūtajim Zīmyssvātku koncertim “Mozu šaļti pyrma”, asam saprācavuojuši vēļ vīnu koncertu 13. decembrī 15.00 stuņdēs.

Kūpā ar breineigajim Daugovpiļs muzikim, akterim i solistim aicynuosim īgrimt Zīmyssvātku muzykys, dzejis i nūstuostu pasaulī, kab atvārtu sovu sirdi breinumam. Kaidu mozu šaļti pyrma... pyrma otkon kasdīnys klopotys īraus viejputņūs, pyrma dorba stidzenis aizvess boltajūs lelceļūs, pyrma aizjimteibys steigā paskrīsim garum kaidai sirdei, kas sylti dauzuos.

Koncertā pīsadola: Natālija Kotona, Kristīna Zaharova, Alisa May, Sandis Ulpe, Marks Šelutko, Maksis Krilovs, Inese Ivulāne-Mežale, Irina Kešiševa, Kristīne Veinšteina, Milena Savkina, Egils Viļumovs, Kristaps Saulītēns i Vīneibys noma orkestris "Daugava".

Koncerts nūtiks Vīneibys noma koncertzālē. Ilgums: 1 stuņde 20 minutys

Koncertā skanēs latvīšu, latgalīšu, pūļu i krīvu volūda, skateituojim tiks nūdrūsynuota titru daīmameiba latvīšu volūdā ar mobiluos lītuotnis “Teātru titri” paleidzeibu.

Bileti: Daugovpiļs teatra kasē (654 26520), „Biļešu paradīze” kasēs vysā Latvejā i škārsteiklā www.bilesuparadize.lv.

‍