Par gūdu gaidomajai Školuotuoju dīnai Daugovpiļs teatris duovoj školuotuojim vareibu apmeklēt vairuokys izruodis akcejis „1+1” ītvorūs: īsaguodojūt biletu iz sevkuru nu pīduovuotūs izruožu, ūtru biletu sajimsit duovonā!
Akcejis ītvorūs var īsaguoduot biletus iz izruodem:
• “Makbets”
Pasauļa klasika naklasiski par kuoreibu piec varys, kura saiņdej pruotu i īdzan vys dziļuok naciļvieceibys pūrā.
Nūtikšona: 2. oktobrī.
• “Vīntuleigī rītumi”
Tragikomiskys stuosts par diveju bruoļu naidu, nūsamaļdejušu avi i ceiņu par čipsu paku.
Nūtikšona: 10. oktobrī
• “100 nakts puorprotumi”
Klasiska situaceju komedeja par lauluotuo puora nūslāpumim i jūs izmaneigū kolpyuni.
Nūtikšona: 18. oktobrī
• “Bez līcinīkim”
Atkluota saruna par vardarbeibu i biegšonu nu seve, par cylvāku naspieju i nagribiešonu sadzierdēt vīnam ūtru, kas var nūvest pi tragisku saku.
Nūtikšona: 19. oktobrī
• “Dzeivinīku ferma”
Ritualuo puosoka pīaugušajim, kurā dzeivinīciskais mejās ar ciļvieciskū groteskā spēlē par laimeigu dzeivuošonu.
Nūtikšona: 21. oktobrī
• “Kača memuari”
Humora i soldonai siereigu šaļtu pylna monoizruode par izdūmys boguota kača pīredzi sova cylvāka pīradynuošonā.
Nūtikšona: 25.oktobrī 13.00 stuņdēs
• “Dzeive iz ladusskapa durovom”
Stuosts par muotis i meitys attīceibom.
Nūtikšona: 30. oktobrī.
• “Divejis vyrtuvē, naskaitūt nabašnīku”
Kriminala komedeja latgaliski par divejom dažaidu paaudžu sīvītem, kuruos teik dīzgon kuteleigā situacejā.
Nūtikšona: 31. oktobrī
Biletus varēs nūpierkt i kasē, i škārsteiklā.
• Bilešu īguode kasē: pyrma biletu īguodis juoparuoda atlaidi aplīcynojūšs dokuments (ITIC karte voi sevkurs cyts aplīcynuojums). Biletus var nūpierkt Daugovpiļs teatra i sevkurā cytā „Biļešu paradīze” kasē.
• Biletu īguode škārsteiklā: pierkūt vysmoz divejus biletus, juoizalosa atlaide „Skolotāju dienas akcija”, i obejim biletim tiks pīmāruota 50% atlaide. Atlaidi aplīcynojūšs dokuments (pīm., ITIC) kūpā ar biletu byus juoparuoda biletu kontroleram pyrma izruodis.
Akceja spākā da 15. oktobra.
Kab naaizmierstamom emocejom pīpiļdeiti vokori teatrī!
