Pēc jautrys pasiedeišonys kafeineicā Busigins i Silva nūkavej padejū viļcīni i vālā vokora styņdī palīk bez pajumtis. Obejim solst i grybātūs turpynuot balleiti, bet nav nivīna pazeistama, kas izmytynuotu. Nikas cyts naatlīk, kai likt lītā vīlteibu i kaidam atsauceigam cylvākam nūtāluot pazudušuo dāla atsagrīšonūs. Busigins nūsauc sevi par nomatāva uorlauleibys dālu, bet vīglpruoteigīs jūks pasavieršās pret pošu vyltvuordi – izaruodīs, ka nav nimoz tik vīgli  atsabreivuotīs nu jaunīgyvtuos giminis apskuovīņa.

„Vacuokais dāls” ir vīna nu pīcom padūmju  dramaturga Aleksandra Vampilova (1937-1972) eisījā i tragiskījā myužā saraksteituom pylnmetražys lugom (storp tuom ari „Atvodys junijā” , „Peiļu medeibys”, „Paguojušuo vosora Čulymskā”, „Provincis anekdoti”). Vysūs sovūs dorbūs A. Vampilovs meistareigi attāloj cylvāka sarežgeitū pretruneigū dobu, meistareigi saveidams tragiskū ai smīkleigū i saskateidams ikdīniškeibā  byutiskū. Tuo dēļ autoru  nareti pīleidzynoj A. Čehovam i līk storp īzcyluokīm 20. godusymta  dramaturgim. Juo lugys uzvad ari Latvejis teatrūs, tymā skaitā Daugavpilī – te 2021. godā Endīne Bērziņa īstudēja „Provincis anekdotu” diptiha pyrmū daļu  „Atgadiejums ai metranpažu” kai sovu diplomdorbu režijā.

>>>

Miroslavs Blakunovs nominēts „Spēlmaņu nakts” balvai kategorijā „Gada aktieris” par Busigina lomu

Mihails Samodahovs nominēts  „Spēlmaņu nakts” balvai kategorijā  „Gada aktieris otrā plāna lomā” par Sarafanova lomu

‍