Vīncielīņs „Provinces anekdoti” ir Latvijas Kulturys akademijis režijas kursa absolventes Endīnes Bērziņas diplomdorbs.

Paguojušuo godu symta 60- tajūs uzraksteituo krīvu dramaturga Aleksandra Vampilova luga „Provinces anekdoti” sastuov nu divejim vīncielīņim, kur atspūguļuoti leidz absurdam smīkleigi un tymā pošā laikā ļūti realistiski nūtykumi kaidā provinces vīsneicā. Sovam diplomdorbam režisore izmontoj diptiha pyrmū daļu „Atgadiejums ar metranpažu” – par citim laikim, jau pīmierstim parodumim un bailem, kas dīmžāl nav tikai paguotnes mūrgs.

Vālā vokora stuņdē kaids vīsneicā apsamatušais izmiseigi lyudz atļuovi pasēdēt napazeistamys sīvītes ustobā, kur īspiejams dzierdēt pa radeji  futbola spēles puorraidi. Bet vīsneicys administratoram Kalošinam lyuguma īmeslis ruodīs cīši aizdūmeigs, pat bezkauneigs, turkluot pastuov arī nūteikumi, kas juoīvāroj burts burtā. Turkluot futbola cīneituojam nadzērdāts omots – metranpažs. Kas tys taids?!  

Vuordu sokūt, nūslaipumainuos profesijis nūsaukums izraisa panikys lēkmi vīsneicys administratoram un apgrīž ar kuojom gaisā vairuoku citu cylvāku dzieves.

Izruode veidota ar Vaļsts Kulturkapitala fonda atbolstu

Pyrmizruode: 2021. goda 21. junijā

‍

‍