Mozu šaļti pyrma
10+
Koncerts Zīmyssvātku nūskaņuos
Decembris ir svātku laiks. Da šam vīna nu teatra kasgadejūs tradiceju beja decembra izskaņā īstudēt Jaungoda koncertu, kurs nu ir tics pi lelys popularitatis. Suocūt ar itū sezonu, teatris īvīš jaunu tradiceju, i decembrī duovuos skateituojim divejus dažaidys nūskanis koncertus, veļtejūt vīnu nu tūs ari goda gaišuokajim svātkim.
Kūpā ar breineigajim Daugovpiļs muzikim, akterim i solistim aicynuosim īgrimt Zīmyssvātku muzykys, dzejis i nūstuostu pasaulī, kab atvārtu sovu sirdi breinumam. Kaidu mozu šaļti pyrma... pyrma otkon kasdīnys klopotys īraus viejputņūs, pyrma dorba stidzenis aizvess boltajūs lelceļūs, pyrma aizjimteibys steigā paskrīsim garum kaidai sirdei, kas sylti dauzuos.
Daugovpiļs teatra koncerts Zīmyssvātku nūskaņuos nūtiks Vīneibys noma koncertzālē. Kūpā ar teatra akterim i vokalistim iz skotivis kuops Vīneibys noma orkestris "Daugava".
Nūtikšonys vīta: Vīneibys noma koncertzāle
Vacuma īrūbežuojums: 10+
Ilgums: 1 stuņde 20 minutys
Volūda: Latvīšu, latgalīšu, pūļu, krīvu volūdā
>>> Titri
Titri latviešu valodā tiek nodrošināti ar mobilās lietotnes “Teātru titri” palīdzību.
Lietotnes izmantošanai ir nepieciešams interneta pieslēgums. Teātrī ir iespēja pieslēgties teātra bezvadu internetam (Wi-Fi). Lietotne izstrādāta tā, lai titru lasīšana netraucētu apkārtējos.
Lejupielādē aplikāciju “Teātru titri” Google Play vai App Store.
