Makbets nūtyc treju rogonu nūredziejumam, ka nazkod jis tiks par Skotejis karali. Varys kuoreiba pamozom aptymsoj juo i sīvys pruotu, i, kod pyrmais duņcs ir ašņa apslaceits, atpakaļceļa vaira nav - kotrys sūļs iz prīšku vierzej Makbetu vys tyvuok preteimā poša izniceibai.

„Makbets”, vīna nu tymsuokūs Šekspīra lugu, uzskotami paruoda, kai cylvāks, kura rūkuos teik vara, apzynuotai voi naapzynuotai mādz izavielēt palikt par monstru. Izruodē teik atspīgeļuots bīdynojūšūs puormeju ceļš - kai cylvāks pa mozam puortūp par tiranu, kai vardarbeigā ceļā dabuotuo vara i izmiseigī ceņtīni tū taidā veidā ari nūturēt īdzan paranojis, vainis apzinis, baiļu i uorpruota giustā.

Izruodē puorsvorā pīsadola teatra „jaunais ašnis” – akteri, kuri itūvosor absolvējuši Stanislava Broka Daugovpiļs Muzykys vydsškolys izgleiteibys programu „Teatra muoksla” i kurim beja unikala vareiba īsadzilinuot Šekspīra dorbā i vuiceitīs ituo klasika vuorsmys originalvolūdā ar britu aktera, pasnīdzieja i Šekspīra daiļradis pietnīka Pola Gudvina (Paul Goodwin) paleidzeibu. Izruode ir angļu i krīvu volūdā ar tulkuojumu latvīšu volūdā titrūs.

Pola Gudvina meistarklasis Daugovpiļs teatrī tyka eistynuotys ar British Council puorstuovnīceibys Latvejā paleigu.

Pyrmizruode: 2023. goda 22. novembrī

Novērtē izrādi portālā IZRĀDES.LV

‍