Muzykls bārnim i jūs vacuokim par lauvāna pīdzeivuojumim džungļūs. Izruodi nominēja „Spēlmaņu nakts 2015” bolvai divejuos kategorijos, tūstorp – „Goda izruode bārnim vai pusauddžim”.
Muzykla pamatā ir F. Tappera puosoka „Leo – mozīs lauva”. Puosokys autors uzskota, ka myusdīnu pasauļī ir cīši lela informacijis puorboguoteiba, kurā bārns var apsamaļdeit, tuopēc ir tik svareigi jau mozuotnē jam izskaidruot, kas ir labi i kas nav labi. Muzyklā par tū īdzeivynuots pamuocuošs stuosteņš, kuru bogotynoj spilgtys kruosys, myusdīneigi muzykys ritmi, golvu reibynūšys dejis i īspaideigi apgierbi.
Stuosts ir par lauvānu, kurs dūdās džungļūs muoceitīs no cytim zvērim dzeivē ikvīnam nūdereigū – gūdeigumu, drūsmi, pīticeibu , vacuokūs cīneišonu ir cytys lobys īpašeibys. Muzyklys ir saistūšs gon bārnim, gon jūs vacuokīm – pīaugušīm taipat nav par ļaunu pa reizi apdūmuot it kai pošsaprūtamū.
„Spēlmaņu nakts 2015” nominacijis:
„Goda izruode bārnim vai pusaudžim”
„Goda kostimu vai gryma muokslinīks” – Inga Bermaka, Agnese Leilande
Zane Radzobe: „ Breineigi kostimi ( scenografiju, kostimus i prīkšmatiskū vidi, kas dramatiskuo teatra kontekstā īvad leļu teatra elementus, veiduojušys Inga Bermaka i Agnese Leilande), atraktiva, spraigus rytmus izruodei davuse Irinys Saveļjavys horeografija, bet golvonīs - ansamblis, kurs ar sovu energiju raun skateituoju leidza, līkūt arī pīaugušījam vīnu stuņdi justīs kai mozam pīcgodnīkam, kas prīcojās par kotru uz skotuves atpazeitu zvēru.” ( Kroders.lv, 12.05. 2015.)
Izruodē pīsadoluos teatra dejuotuoju trupapylnā sastuovā.
Pyrmizruode: 2014. goda 26. novembrī