Klīdzieji
Pēc Jāņa Klīdzēja romana „Snīgi” motivim
16+
Poetiska jauneibys vātra
Lai gan Tuoseites acis zaudiejušis redzētspieju, jei muok saskateit byutiskū caur pīskuorīnim, skaņom i smaržom, verūtīs pasauļī ar sirdi. Izruode – muzykala meditacija, kurai magisku skaniejumu dūd komponista Jēkaba Nīmaņa muzyka. Divejis „Spēlmaņu nakts 2019” bolvys : „Goda mozuos formys izruode” i „Goda muzykaluos partiturys autors” Jēkabam Nīmanim par izruodes muzykalū nūformiejumu.
J. Klīdzēja dorbus visvairuok pazeistom caur J. Streiča filmom. Arī romans „Snīgi” plašuoku publiku sasnēdze ar filmys „Likteņdziernovys” ( 1997) storpnīceibu. Romana skotuves versija Daugavpiļs teatrī ir stuosts par myusu vacvacuokūs trokuleigū jauneibu, kura turpynoj dzeivuot myusūs kai sovdabeigs Latvijis kods.
Uzzynojis, ka dzeivuot atlicis vīn pusogoda, zemnīks Eiduks tūmār nūraida prīkšlykumu braukt uorstētīs uz sanatoriju. Jis atrūn sirdsmīru sarunuos ar bierneibys draudzeni oklū meiteni Tuoseiti, kurai vīneigījai atkluoj sovu nūslāpumu. Tuoseite īmuoca Eidukam izklīgt sovu suopi ar dzīsmi mežā, kur obeji sasateikās. Kaidu dīnu, braukdami muojuos, jī sateik kuozu muzykantu, sovdabeigu klaidūni Ruduku, kam Eiduks pīduovoj pajumti. Tai suocās naparostīs treju dvēseļu stuosts.
Īstudiejums sajēme Valsts Kulturkapitala fonda atbolstu.
„Spēlmaņu nakts 2018/2019” balvas:
Goda mozuos formys izruode;
Goda muzykaluos partiturys autors - Jēkabs Nīmanis.
Pyrmizruode: 2019. goda 23. februarī
