„Kaija.  Izmekleišona”  sastuov nu divejom daļom – nu divejom atseviškom  izruodem dažaidūs vokorus.  Pirmuos, „Kaija-1”,  pamatā ir plaši zinomuo Antona Čehova luga,  bet „Kaija-2” -  myusdīnu krīvu rakstnīka Borisa Akuņina uzraksteits sovdabeigs  turpynuojums.Izruodes byuteiba izsaceita nūsaukumā   - izmekleišona, padziļinuota A. Čehova lugys izpiete, leidzeiga ceļojumam, kura laikā skateituoji kūpā ai aktīrim izmontoj Akuņina saceriejumā īlyktos atslāgys, lai saprostu originallugys varūņu reiceibys motivus.  Topeic ir svareigi nūsaskateit obejis izruodes  vīnu aiz ūtrys, lai īraudzeitu Čehova daiļradi napīrostuokā gaismā.

I daļa

Nūslāpumu pylnū lugu „Kaija”  pats Čehovs sauc par komediju, kur attāluota ai muokslu saisteitu ļaužu dzeive pi „magisko azara”.  It kai lāna i mīreiga, bet patīseibā pylna kaisleibu, vīntuleibys, ryugtys ironijis i cīšonu.  Naskaidrys ilgys i cāly sapni te poloj i škeist kai viļņi pret akmiņi.  Leidz breižam, kod atskaņ šuovīņs… Antons Čehovs pīskaitams pasaules  pazeistamuokajīm rakstnīkim i dramaturgim, juo dorbūs izcylys cylvāku psihologijis zynuošunīs īt rūku rūkā ai smolku humoru. Juo uzraksteitū „Kaiju” jau ūtrū godu symtu izruoda pasaules teatrūs vysdažaiduokajūs variantūs, storp kurym natryukst nūdruoztu klišeju.  Bet kū dūmoj poši lugys varūņi?  Kas jīm diktej reiceibu?  Cik labi i pareizi jūs atmiņa globoj vysu nūtykušū?

‍

Projektam   „Kaija. Izmekleišona”  sajemts Vaļsts kulturkapitala fona finansials atbolsts.

‍

Teātra kritiķa Toma Čevera recencija: Pulkstenis turpina mirgot.

‍