Itī skaitejumi nav dūmuoti, kab radeitu šoku – tī ir dūmuoti, kab atpazeitu sevi. Ej klauseitīs, kai dramaturgeja dasadur tam, par kū īrostai runoj šveikstūs. Gūdeiga izasaceišona poša par sevi jau ir drūsmeigs muokslys akts.

Skaitejumu cyklys “Sekss i Latveja” aicynoj iz sarunu par temu, kas ir svareiga mums vysim, koč i na vysod ārta. Muokslinīkim dūta piļneiga breiveiba – kai formā, tai saturā, kam vīns nu muokslys aizdavumu ir dasadūrt vēļ moz apraksteitom temom, itymā gadīnī apsaverūt seksualitati i kai plašuoku, i personeiguoku fenomenu.

Piec kotra skaitejuma nūtiks saruna ar skateituojim, kū moderēs dramaturge Linda Rudene i ar profesionalu skotu i zynuošonom papyldynuos kliniskuo psihologe ar specializaceju parternattīceibu terapejā i seksologejā Kristīne Baluode. Vaicuojumi, komentari i redzīni byus cīši gaideiti – tī paleidzēs autorim atteisteit sovys idejis i mums vysim palikt drupeit breivuokim, runojūt par seksualitati.

Par Lindu i Kristīni:

Linda Rudene ir dramaturge i scenariste, kuruos dorbi regulari teik īstudāti Latvejis profesionalajūs teatrūs. L. Rudenis dramaturgejis temu lūks ir tikpat plašs, kai uzrunuotuo mierkauditoreja, īkļaunūt kai izruodis bārnim i vysai saimei, tai pīaugušūs auditorejai veļteitus dorbus, pīmāram, lugu “Rīsts”. Rudenis dorbus vysubīžuok caurstruovoj dokumentalu materialu izmontuojums, dobys tālu leidzdaleiba i šudiņdīnys attīceibu modeļu apsavieršona tyvplanā.

Kristīne Baluode ir vīna nu vodūšūs Latvejis profesionalūs autoritašu vaicuojumūs par seksualūs i partnerattīceibu labkluojeibu, seksualuos izgleiteibys aktiviste ar vaira nakai 20 godu praktiskuo dorba pīredzi mentaluos veseleibys jūmā, kusteibys “Seksuali  inteligents” radeituoja i vadeituoja.

>>>

18+

2 h 30 min

Latvīšu volūdā

Vīneibys noma kopejneicā

Pasuokums ir daīmams par veļti,kasē obligati juoizjam breivbileti (4 biletu limits personai).

‍

‍