“Cabaret Dinaburg 2.0” ir myusdīneigs kabare šovs, kurā teik svieteita skotivis muokslys daudzveideiba. Tymā mejās dzeivuo muzyka i izjustys muokslinīku performancis, cyrka muoksla i jutekliskys dejis, i tū vysu harmoniski saspriež konferansje dzierkstūšī jūki, kuri nareši dasagiun ari pikantom temom.

Programā ir īkļautys taidys pasaulī zynomys dzīsmis kai Kristīnys Agilerys “Candyman”, Tedija Svima “Lose Control”,  Larys Fabiānys “Adagio” i daudzys cytys, sovutīs pyrma šova i storpbreiža laikā kabare atmosferu boguotynuos džeza kompozicejis dzeivā izpiļdejumā.

Aicynojam kūpeigai veiduot kabare pīmeitūšū svātku atmosferu i apmeklēt pasuokumu vokortārpā!

Kabare skateituoji var baudeit, siežūt parterā pi gaļdeņa voi balkonā tradicionali izkuortuotuos sādvītuos.

>>>

Parters

Skateituoju sādvītys ir izkuortuotys pi gaļdeņu.

Partera bileta cenā ir īkļauts kompliments nu teatra (dzierīņs i aizkūdys), kurū varēs baudeit pasuokuma laikā.

Gaļdeņš paradzāts 2 personom, vajadzeibys gadīnī teatra kasē (65426520) var dasaceit vīnu papyldvītu.

Stuņdi da šova suokuma i storpbreiža laikā ir paradzāta gaļdeņu apkolpuošona.

Balkons

Tradicionalai izkuortuotys sādvītys. Apkolpuošona nav paradzāta.

Stuņdi da šova suokuma i storpbreiža laikā dorbuosīs teatra kopejneica.

Storpbreids – 30 minutys.

‍