„Jis byuteibā ir ideals veirs: nūpierka dzeivūkli, kur  gimenei paīt dīnys mīrā i saticeibā, guodeigs tāvs myusu meitom i centeigs iztykys nūdrūšynuotuojs,” par sovu lauluotū draugu dūmoj Olga,  patīseibā nimoz napazeidama sova tyvuo cylvāka.

„Jis tok ir galeigi apmuots maniaks, nu kura nogim gryuši izsprukt, ļauns murgs, kuru gribīs dreižūok pamest paguotnī,” aktrise Jana mieginoj izdzēst nu atminis vīnu sovu bejušū draugu.

„As jū mīļoju! Bez pruota!” naspiej aizmierst Ļoša, pracāts veirs.

Kū tys vyss nūzeimej, var uzzynuot lugā „Nivīns nadzirdēja”, uz kurys pamata veiduota izruode „Bez līcinīkim”. 2019. godā saraksteitū dorbu jau pamaniejuši režisori, kritiki i sabīdreibys pietnīki dažaiduos vaļstīs. A. Striževskys saceriejuma pyrmīs lasiejums prestižajā teatra festivalā „Ļubimovka” sajēme augstu nūviertujumu i dramaturgis Natālijis Blokys atsauksmi: „Munupruot, luga ir par vysym myusim:  mes grybim dareit vīn tū, kas pateik, i viertejam cylvākus stypri pavierši, bez apvaicuošonys i naizaklausūtīs.”

Daugavpiļs teatra izruode  ( lugys pyrmīs īstudiejums Baltijā) byus īpaši interesanta tīm, kam interesej psihologija, cilvāku sovstarpejuos attīceibys i kas nūviertej uz skotuves radzamūs emocionalūs satricynuojumus.

Luga „Nivīns nadzierdēja” pyrmū reizi pīduovuota publikys viertiejumam storptautiskījā jaunuos dramaturgijis festivalā „Ļubimovka”.