“Alla Furca” (“Kuortovuos”) – izruode, kura suokumā beja dūmuota par tymsajim vydslaikim i seika feodaļa atsazeišonu nūzīgumūs, sovā formā transformiejuos par mafejis lūcekļa grāksyudzi tīsys zālē. Jis ir vuojis grybys cylvāks, kurs nūžāloj sovu padareitū, tok beiguos vystik rūn sev attaisnuojumu.

Izruode viestej par varu i kai tei nu īškīnis graun tū, kuram tei pīdar; par tū, iz kū cylvāks ir spiejeigs, kab tik sasnāgtu i saglobuotu itū varu; par īīšonu ļaunuma teritorejā, pa ceļam nasabeistūt sasazīst dubļūs. Stuosts verās iz vydslaikim, tok reizē runoj par tagadni – myusu laikmata tymsū pusi.

Skotivis centrā ir na vīnkuorši stuostnīks, tok solists, tāls, kurs simbolizej kuoreibys piec varys īmīsuojumu (atveidoj Salvatore Tringali). Juo grāksyudzi pavoda Tino Nastasi elektriskuos gitarys muzyka, kas ir naatjamama izruodis dramaturgejis daļa.

“Jī maņ soka: ‘Ēd i dzer! Prīcojīs, ka tev tys ir! Tok, kai lai es ādu i dzeru, ka es izraunu sovu iedīni nu olkonūs rūku i muna iudiņa gluoze pīdar kaidam, kurs mierst nu sluopu? I vystik es ādu i dzeru.”

Autors i režisors: Oracio Kondorelli (Orazio Condorelli)

Muzyka: Flavio Riva

Gaismys: Roberto Bonaventura

Producents: “Tina Di Lorenzo” teatra fonds, Noto, Sicileja

Lūmā: Salvatore Tringali

>>>

Vacuma īrūbežuojums: 16+

Volūda: sicilīšu volūdā (tulkuojums latvīšu volūdā titrūs)

Ilgums: 35 minutys

Nūtikšonys vīta: Leluos zālis skotive

! Izruodē īkļauti seksuala rakstura i vardarbeibys ainu aproksti.