Teatra festivals "Nr.3” tūp, sasadorbojūt Dirty Deal Teatro, Gertrudis īlys teatram, Latvejis Leļu teatram i Daugovpiļs teatram. Festivala veiduotuojus vīnoj puorlīceiba, ka laikā, kod sabīdreibu škeļ kai ekonomiski, tai politiski satrycynuojumi, teatris ir eistuo vīta, kur sasatikt cytam ar cytu, īsaklauseit daudzbaļseibā i kūpā izatāluot lobuoku byušonu iz prīšku.
Festivala fokusā ir puormejis – kai īškejuos, tai uorejuos. Simbolisks ir ari ituo gods festivala sauklis – “Latgola ir tyvai”, kurs aicynoj veicynuot puormejis ituo regiona uztverē. Itys sauklis atguodynoj na viņ festivala gostim, tok ari Latgolys dzeivuotuojim par tū, ka Latgola nav kaida naaizsnādzama i nasasnādzama vīta Latvejis voi Eiropys kontekstā.
Programu veiduo izruodis, kas izaceļ i ar naīrostu formu, i šudiņdīnys cylvākam aktualu i vajadzeigu saturu. Piec kotrys izruodis skateituoji ir aicynuoti pīsadaleit sarunā ar izruodis taiseituojim i daleibnīkim, kab daleitūs īspaidūs par radzātū. Sovutīs skotivis muokslys profesionalim paradzātys treis diskusejis.
Festivala programa
(informācija tiks papildināta)
Trešdīne, 5. juņs:
19.00 stuņdēs. “Rogona” – gondreiž muzyklys piec Aspazejis lugys, rež. Andrejs Jarovojs, Gertrudis īlys teatris.
Nūtikšonys vīta: Daugovpiļs teatra Leluo zāle.
Catūrtdīne, 6. juņs:
14.00 stuņdēs. Saruna
Nūtikšonys vīta: Daugovpiļs teatra kopejneica
16.00 stuņdēs. “Konference vysumā lobim cylvākim” – leidzdaleibys izruode, rež. Valters Sīlis, Dirty Deal Teatro.
Nūtikšonys vīta: Daugovpiļs teatra Eksperimentaluo zāle.
18.00 stuņdēs. “Mali bez nūteikumim” – psihologiska drama, rež. Olegs Šapošnikovs, Daugovpiļs teatris.
Nūtikšonys vīta: Daugovpiļs teatra Leluos zālis skotive.
Piec izruodis - Lelbritanejis viestnīceibys Latvejā i Daugovpiļs teatra organizāta diskuseja “Malu i manipulaceju doba i tūs byušona kluotyn myusu kasdīnā”.
21.00 stuņdē. “Konference vysumā lobim cylvākim” – leidzdaleibys izruode, rež. Valters Sīlis, Dirty Deal Teatro.
Nūtikšonys vīta: Daugovpiļs teatra Eksperimentaluo zāle.
Pīktdīne, 7. juņs:
13.00 stuņdēs. Saruna
Nūtikšonys vīta: Daugovpiļs teatra kopejneica
15.00 stuņdēs. Saruna
Nūtikšonys vīta: Daugovpiļs teatra kopejneica
18.00 stuņdēs. “Montuojums” – sāga par variešonu i navariešonu, dram., rež. Jānis Baluodis, Anna Belkovska, Viesturs Baluodis, Dirty Deal Teatro.
Nūtikšonys vīta: Daugovpiļs teatra Leluos zālis skotive.
20.30 stuņdēs. “tys ir vyss, kū mes varim” – kusteibu izruode, rež. Andrejs Jarovojs, Gertrudis īlys teatris.
Nūtikšonys vīta: Daugavpils Universitātes koncertzāle (Vienības iela 13)
Sastdīne, 8. juņs:
10.00 stuņdēs. “Čuči, spiļveņteņ!” – izruode biernenim nu 9 mienešu da 2 godu vacuma, rež. Liena Šmukste, Latvejis Leļu teatris.
Nūtikšonys vīta: Daugovpiļs teatra Leluos zālis skotive.
Bileti iz izruodem jau daīmami Daugovpiļs teatra kasē (654 26520), „Biļešu paradīze” kasēs i škārsteiklā www.bilesuparadize.lv.
“Teatra festivals Nr.3” nūteik ar Vaļsts kulturkapitala fonda, Daugovpiļs vaļstspiļsātys pošvaļdeibys i
Daugovpiļs vaļstspiļsātys pošvaļdeibys īstuodis “Vīneibys noms” paleigu
