Īsuokumā –  tymsa i klusums. Tod nu tymsuma suoc kauč kas pasaruodētīs, bet klusums īsaskaņ.  Lai suoktūs natycamys puorvērteibys…

Pyrms jaunys lugyslasiejuma vajag īsamuoceitīs nūtāluot peili, svoru ceļšonys reiku i pat greidysslaukomū lupotu  - taidi ir kotra aktīrasuokuma sūļi ceļā uz lelū skotuvi. Izruode „Vyspyrms beja”…  ireksperimentals jautrs prīkšnasums, kurā apvīnuoti vairuoku tūpušū aktīruvingrynuojumi. Tūmār skateituojam nabyus sajyutys, ka redz muoceibu stuņdugabaleņus – uz skotuves jau gotova kompoziceja. Lai gon, taisneibu sokūt, izruodei nav sižeta,  vīnolga te ir stuosts!

Izruodē pīsadoluos Staņislava Broka Daugavpiļs Muzykys vydussskūlys  studeju programys audzēkņi, kurus apmuoca Daugavpiļs teatris i naatkareigi uorzemu pasniedzēji. Kursā sovu meistareibu pylnveidoj ari daži Daugavpiļs teatra aktīri i dejuotuoji.  Ar izruodi „Vyspyrms beja…”  Daugavpiļs teatris paruoda skateituojim jaunūs aktīru apmuoceibys aizkulises. Nuokūtnē taipat byus īspēja sekotapmuocamūs pakuopeniskai  izaugsmei.

‍