Monstera Deliciosa ir ļūžņojūšs veitiņaugs ar miļzeigom, rūbuotom lopom, kas jau vaira nakai 30 godu bejs populars dekors poliklinikuos, školuos, bibliotekuos, dzeivūkļūs i privatsātuos. Labvieleigūs apstuokļūs monstera aug ūmai i izapliešūt pīpylda telpu ap sevi. Kūpūt augus i cytu cylvāku lobsajiutu, naradzamu ryupu dorbu kotru dīnu dora ari sīvītis mums sūpluok, aizpiļdeidamys tukšuos vītys sabīdreibys ainovā.

Izruodē "Monstera Deliciosa" iz skotivis sasateik četrys vysaidu paaudžu sīvītis, kas, izdzīžūt cytu sīvīšu stuostus, stuosta ari sovejūs. Bīzi saaugušajā skaņu ainovā sūpluok sadzeivoj sabīdryskuo tualeta dežurantis kasdīniškuos klopotys i jaunys ekofeministis ryupis par vidi sev apleik, gribiešona leidzsvaruot i styprynuot šaļtim tik trausluos saitis, kas vīnoj i tur myus kūpā.

Librets radeits, sateikūt i uzklausūt Latvejā i Igaunejā dzeivojūšys sīvītis, kas kasdīnā guodoj par augim i cylvākim sev sūpluok, sovpus originalmuzyka veiduota, transformejūt kameroperys žanru caur latvīšim i igaunim kūpeigū kora dzīduošonys tradiceju. Malnzemis i plastmasa puču vydā rodūšuo komanda meklej veidus, kai augt, izplaukt i byut kūpā vīnam ar ūtru pasaulī, kurā dzeivojam.

Kameropera sīvītem

Izruode radeita ar Vaļsts Kulturkapitala fonda, Reigys dūmis, Igaunejis Kulturkapitala fonda, Culture Moves Europe i Nordic-Baltic Mobility Programme for Culture paleigu.

Paļdis par atbolstu izruodis tapšonā Shishi.

2023./2024. gods "Spālmaņu Nakts" nominaceja: Goda mozuos formys izruode

2023./2024. gods "Spālmaņu Nakts" nominaceja: Goda jaundorbs muzykā (Līva Blūma)

Režeja, librets: Barbara Lehtna (EE)

Dramaturge, režisoris asistente: Linda Krūmiņa

Komponiste: Līva Blūma

Muzykys i skaņu režisore: Lilita Dunska

Scenografe i kostimu muokslineica: Karolina Poska (EE)

Scenografis asistente: Signija Joce

Gaismys: Jūlija Bondarenko

Solistis: Kristīne Fedotova, Ilze Kalniņa, Marta Lortkipanidze, Kristīne Medne

Klavīris: Līga Paegle

Sytaminstrumenti: Karīna Mazūra

Libretu latvīšu volūdā atdzejuojuse Anna Auziņa.

Producenti: Gertrudis īlys teatris, alternativais kamermuzykys festivals "Sansusī", Real Life Company (EE), Paidis teatris (EE)

‍

VIEREIBU! Izruodē teik izmontuoti dyumi i myrgojūšys gaismys!

Teātra festivāls Nr.4 notiek ar Valsts kultūrkapitāla fonda, Ziemeļvalstu Ministru padomes biroja Latvijā, Daugavpils valstspilsētas pašvaldības iestādes “Vienības nams” un ar Valsts kultūrkapitāla fonda mērķprogrammas “Latviešu vēsturisko zemju attīstības programma” atbalstu.

‍

‍