6. decembrī Daugavpiļs teatrī gaidama pyrmizruode īstudiejumam „Spreideits”, kur Annys Brigaderes puosoku luga pirmū reizi izskanēs latgaliski. Vysai giminei baudamajā izruodē mozuo laimis maklātuoja pīdzeivuojumus papyldinuos jautrys dzīsmes i danči ar latgalīšym rakstureiguo sirds syltuma i dzeives prīcys pīdovu. Izruodes režisors ir Māris Korsiets, lugu latgaliski puorlykuse Monika Zīle.
Izruode dūmuota vysim – kai tīm, kas latgaliski runoj nu dzimšonys, gon cylvākim, kuri itū latvīšu volūdys paveidu tikai dzierdiejuši i labpruot īpazeitu tyvuok. Pīdzeivuojumim bogotīs Spreideiša ceļš, meklejūt Laimis zemi, ir labi zynoms gon pīaugušīm, gon bārnim. Tuopeic režisors Māris Korsiets puorlīcyunots – pat ja kaids latgaliski izrunuotīs vuords liksīs svešs, uz skotuves nūteikūšīs vīnolga bys labi uztverams i saprūtams.
Bāgdams nu apniceigīm dorbu pīnuokumim i borguos pamuotes ruojīnim, Spreideits dūdās pasauļī meklēt savu Laimes zemi. Ceļā jis sateik Meža muoti i Vieja muoti, spākojās ai miļzi Lutausi i nagodnū Seikstuļi i pīveic pošu Nalobū. Daudz kū pīredziejis, Spreideits saprūt, ka sirdi nasylda ni apsūleituo bogoteiba, ni īspēja tikt par znūtu pošam Kieneņam – eista laime ir vīn dzymtajuos muojuos kūpā ai tyvinīkim.
Izruodes scenografs – Kristaps Skulte, kostimu muokslinīks - Egils Viļumovs, muzykaluo nūformiejuma autors - Artūrs Uškāns, horeografe i kusteibu konsultante - Anna Blakunova, gaismu muokslinīks - Sergejs Vasiļjevs.
Lūmuos: Zanda Mankopa, Agnese Laicāne, Kristīne Veinšteina, Maija Korkliša, Vanda Gibovska, Ritvars Gailums, Marģers Eglinskis, Jūlija Ļaha, Egils Viļumovs, Māris Korsiets, Inese Ivulāne-Mežale, Kristīna Zaharova, Raimonds Paegle, Svetlana Morozova, Aleksandra Koguce, Alisa Matvejeva, Anna Blakunova, Artjoms Afanasjevs, Jevgeņijs Mihailovs.
Pyrmizruode nūtiks 6. decembrī , plkst. 12.00; nuokamuo izruode – 7. decembrī plkst. 12.00.
Biļetes : Daugavpiļs teatra kasē (654 26520), „Biļešu paradīze” kasēs, taipat internetā www.bilesuparadize.lv