Reiz seņ senejūs laikūs beidzēs seņ seņsenejī laiki i, kab byutu kaids, kuram laiku atškiert, sevi dasaceja pruoteigs, dails, socials, politiskys, aktivs, pasivs, darbeigs i miersteigs zeideituojs. Tys veiduoja nūtikšonys, nūtikšonys veiduoja stuostus i stuosti veiduoja nūtikšonu attālus, kurūs veiduoja jūs sasnāgušuos jiutys (šaļtim ari pruots).

Piec ituos pošys leidzeibys sevi zeideituoja stuosta attālā var dasaceit diveji eņgeli. Tī pījims gravitacejis, volūdys, tīseibu, miersteibys, mīlesteibys i cytus treisdimensionalus lykumus. Tī īsavērs malnajā kastē, kurā reiz sasatyka aptyvai 10 jiuteigi cylvāki. Mīsys dzeivis breinumi i dvēseļu kaisleibys jūs izklaidej i ījiusmynoj: jī tur myusu soltuos plauksts i sajiusmā spīdz.  

Itei vīna dīna iz zemis ir muzykys, dzejis, dejis i volūdys kolaža, kas topuse intuitivā sarunu procesā, vārojūt cytam cyta kauneigū vylcynuošonūs, verūtīs, kur zibinej laikabīdru suonim vārstais skatīņs. Tamā izskaņ i myusu pošu, i iztāluoti, i tik cīši dzierdāti i apnykuši bolsi, kas myus vojoj jau nu senejūs greku laiku. Tei ir myusu kūpeiguo, puorlaiceiguo ciļvieciskuma reportaža. Tei itūreiz ir bejuse myusu kauna vaine.

Par atbolstu paļdis Solvitai Strausai!

Rodūšuo komanda

Režeja: Elīza Dombrovska

Teksts: Anna Belkovska, Aleksandrs Barons, Elīza Dombrovska, Anna Klišāne, Agnese Krivade, Edvards Kurmiņš, Sabīne Tīkmane

Scenografeja: Ildze Jurkovska

Muzyka i skaņa: Elīza Dombrovska, Viesturs Baluodis

Gaisma: Niks Cipruss, Andris Landaus

Horeografeja: Edvards Kurmiņš

Lūmuos:

Anna Klišāne, Sabīne Tīkmane

Izruodē izskaņ rupa leksika.

Teātra festivāls Nr.4 notiek ar Valsts kultūrkapitāla fonda, Ziemeļvalstu Ministru padomes biroja Latvijā, Daugavpils valstspilsētas pašvaldības iestādes “Vienības nams” un ar Valsts kultūrkapitāla fonda mērķprogrammas “Latviešu vēsturisko zemju attīstības programma” atbalstu.

‍

‍