Nu molys verūtīs, Džerijam i Džudeitei ir apskaužami saskaneiga lauleiba. Veirs – veiksmeigs biznesās, sīva – aizrauteiga attīceibu konsultante. Lobā saticeibā nūdzeivuojuši vairuokus godus.  Līkās, nikam nabyus pa spākam izjaukt kūpdzeivī voldūšu saskaņi, kuru bolsta daži pavysam vīnkuorši pamatnūteikumi. Tai palīk leidz breižam, kod saskaneigi lauluotī suoc jauktīs cyta puora dzeivī.  Flirts, greizsirdeiba, attīceibu konsultacejis seanss gostu ustobā, trillera leimeņa kaisleibys i pat buļve mašynys izpyutiejī! Ruodīs, pēc taidys nakts nikas vaira nabyus kai agruok i vajadzēs piļneigi jaunus pamatnūteikumus.

Ēriks Čapels (Eric Chapell, 1933-2022) – angļu scenarysts i dramaturgs, komedijis žanra meistars, BAFTA bolvys laureats, puori par 200 televizejis komediju scenareju i 20 lugu autors.  „Pamatnūteikumi” ( Ground Rules) ir vīns nu pādējīm juo dorbim. Īrūsa sižetam smalta nu patīsa atgadiejuma, kod Čapels veda iz policejis īcirkni nalaimē nūklyvušu dāmu i sovys automašynys spīgelī pamanēja, ka jūs izsekoj sīvītes agresīvīs partners. Tymā breidī Čapels saprota, ka redz īsuokumu jaunai lugai. Storp cytu, tūreiz vyss beidzēs labi.

‍