28.3.22

„Vyspyrms beja…” – jaunūs aktīru breineigūs puorvierteibu suokums

7. apriļī  izruodē „Vyspyrms beja…” sovus pyrmūs sūļus aktīrmeistareibā Daugavpiļs teatra skateituojim nūdemonstrēs Staņislava Broka Daugavpiļs Muzykys vydusskūlys studeju programys  „Teatra muoksla” 1. kursa audzēkņi, kuru apmuoceibā pīsadoluos Daugavpiļs teatris kūpā ar naatkareigim uorvaļstu pasniedzējim.

Ar izruodi „Vyspyrms beja…” teatris ļaus skateituojim vāruot jaunūs aktīru muoceibu aizkulises, kur sagaida vysaidi puorsteigumi i jauna pīredze.  „Vyspyrms beja…” ir eksperimentals jautrs prīkšnasums, kur apvīnuoti vairuoki aktīriski vingrynuojumi muoceibu laikā. Skateituoju ocu prīkšā jaunī aktīri puortops gon dažaidūs prīkšmatūs i dzeivinīkūs, gan slaveneibuos, nu nalelym gabaleņim saaužūt vīnuotu kompoziceji.  Lai gon izruodei nav sižeta i uz skotuves puorsvorā byus kermiņu volūda, vīnolga tys ir stuosts par suokumu natycamom puorvērteibom.

Pyrmajā  studiju godā apgivtū  izruodē „Vyspyrms beja…” demonstrēs  Eduards Beļņikovs, Kristina Tiško, Vladislavs Vasiļjevs, Darja Šakalova, Luiza Prokofjeva kūpā ar Daugavpiļs teatra aktīrym i dejuotuojim, kas studiju programā pylnveidoj  meistareibu -   Jevgeņiju Mihailovu, Raimondu Paegli, Svetlanu Morozovu, Vandu Gibovsku, Artjomu Afanasjevu, Milenu Savkinu. Marku Šelutko i Miroslavu Blakunovu.

Turpmuok teatris taipat dūs skteituojim īspēju vāruot ituos studiju programys audzēkņu pakuopinisku izaugsmi.  Tai ka „Vyspyrms beja…” gon skateituojim, gon aktīrim  ir tikai jaunu teatra muokslys pīdzeivuojumu suokums.

Izruodes režisors ir Oļegs Šapošņikovs, režisore-pedagoge – Valentīna Nikolajenko, scenografs i kostimu muokslinīks – Egils Viļumovs, gaismu muokslinīks – Sergejs Vasiļjevs.

Pyrmizruode – 7. apriļī  plkst. 18.30,  pēc tam – 8. i   29. apriļī plkst. 18.30.

Biletes – Daugavpiļs teatra kasē  (654 26520) i  „Biļešu paradīzē”, taipat internetā www.bilesuparadize.lv