1.junijā plkst 19.00 Daugavpiļs teatrys aicynoj piļsātys īdzeivuotuojus i gostus apmeklēt Daugavpiļs piļsātys svātkim veļteitu koncertuzvadumu „Dauvapiļs – pasauļa centrs”, kurā uzsvērsim myusu leluokuos boguoteibys.
Pyrms 748 godim myusu liktiņa upis krostūs laide sakņis piļsāta, kurai vysys dūteibys klyut pasauļa centram. Par tū, ka Daugavpiļs ir taida vīta, kur sasateikuos i draudzeigi sadzeivoj dažaidu tautu tradicijis i kultura, kurys pretmati i tūs radeituo naparostuo harmonija tai īdvasmoj, ka te dzymst i muojis sev atrūn talanteigi cylvāki. Koncertuzvadumā „Daugavpiļs – pasauļa centrs” teatra radūšuo komanda caur muzyku, dzīšmom i dejom ai lapnumu stuostēs par šejīnes vierteibom, kas īdvasmoj radūšomam i mudynoj auklēt puordrūšus nūdumus, i puļcej kūpā cylvākus, kuru sirdīs šai piļsātai īruodeita īpaša vīta.
Koncerta režisors Oļegs Šapošņikovs stuosta: „Daugavpili var saleidzynuot ai cylvāku, tai ir sova pīviļceiba, sovs raksturs i sovs draugu lūks. Vyss kūpā veidoj breineigu personeibu, sevišķi draugu pulka kavlitate. Gon Daugavpiļs piļsāta, gon teatrys var lapotīs ar sovim izcylīm draugim. Tys sovukuort līcinoj, ka esom pīviļceigi navīn poši sev, bet ari daudzim cytim. Topēc vīns nu koncerta uzdavumim ir sapuļcēt kūpā vysus draugus: gon teatra draugus-izpiļdeituojus, gon teatra draugus-skateituojus i, prūtams, atbaļsteituojus.”
Taipat kai piļsātys īluos koncertā skanēs daudzys volūdys – programā aktīru i teatra dzīdūšūs draugu Ilonys Bageles, Džordža Stīla, Ata Ieviņa i cytu muzykalī prīkšnasumi: bys gon popmuzykys hiti, gon skateituoju īcīneitys dzīsmis nu repertuara izruodem.
Koncertuzvadums „Daugavpiļs – pasauļa centrs” nūtiks 1. junijā plkst 19.00 Daugavpiļs teatra Lelījā zālē.
Beleti: Daugavpiļs teatra kasē ( 654-26520), „Biļešu paradīze” kasē, taipat internetā www.bilesuparadize.lv