Maestro muzyka i mūdes pasaules vylynuojums muzykalā izruodē par gūdu naaizmierstamai desmitgadei Daugavpiļs teatrī. Kūpā ar Daugavpiļs teatra trupu izruodē pīsadoluos Ilona Bagele, Rihards Lepers i cyti.
Ar muzykalu izruodi „Paradīze”, kas veidota pēc muzykla „Dāmu paradīze” motivim, Daugavpiļs teatris atzeimej veiksmeigu darbeibys desmitgadi i gūdynoj Raimondu Paulu i juo nanūvērtējamū īguļdiejumu gon muzykā, gon Daugavpiļs teatra atteisteibā. Pasateicūtīs juo iniciativai, 2012. godā tyka īstudeits muzykls „Dāmu paradīze”, kas atškeira piļneigi jaunu loppusi Daugavpiļs teatra „šūlaiku vēsturē”. Turpmuokojūs desmit godūs muzykali dramatiskuos izruodes kliva par teatra vizitkarti i īkaruoja skateituoju atzineibu gan pošu vaļstī, gon uorzemēs.
Izruodes „Paradīze” sižetā lykts Emīla Zolā romāna „Dāmu paradīze” viestiejums par provinces meitini, kura dūdās meklēt laimi uz mūdes i mīlesteibys golvyspiļsātu Parīzi. Nui, stuosts dzierdeits, tok šaidā pīduovuojumā redzāts vēļ nav. Niu byus pavysam cyta izruode – ar cytim daleibnīkim i cytim uzsvorym, daudz vairuok uzmaneibys pīvieršūt nūslāpumainajai i nažieleigajai mūdes pasaulei.
„Paradīze” – duovona lobys muzykys baudeituojim i Raimonda Paula talanta cīneituojim.
