Dejis izruode visai giminei stuosta par taisneibys uzvaru, karojūt pret ļaunumu, i par patīsu leidzjuteibu. Divejis „Dejas balva 2017- 2018” nominacijis : „Myusdīnu dejis uzvadums vai nūtyukums”, „Myusdīnu dejis horeografe/s”.
„Čipolino” ir pirmuo Daugavpiļs teatra dejis izruode bārnim. Aizraujūša puosoka par bezbaileiguo i jautruo seipūleņa Čipolino pīdzeivuojumim ar Kirbeiti ( Garbuzeņi), vaļdnīku Cytronu, bruninīku Tomātu, grafinem Kirseitem i daudzim, daudzim cytim šūreiz izstuosteita plastikys volūdā. Tūmār itāļu rakstnīka Džanni Rodāri viestiejums palīk namaineigs – par eistynu draudzeibu, spieju just leidza puorinūdariejumūs īvainuotīm i par taisneibys uzvaru, karojūt pret ļaunumu.
